Орналасқан жері: Ақмола облысы Егіндікөл ауданы Жалманқұлақ ауылының солтүстік-шығысқа қарай 11 шақырым жерде, Егіндікөл ауылының биіктігінде оңтүстік-батысқа қарай 26 шақырымға қарай  Қоскөл шатқалында орналасқан.

Қысқаша ақпарат:  Бектемір сопы кесенесі XVII-XIX ғ.ғ. діни сәулет ескерткіш кешені ретінде салынған.

 Бектемір  сопы  уағыз айтушы,  Казақстан территориясы аумағында дін танушы қызметімен айналысқан.  Бектемі  Сопы  өмірден өткен соң, оның құрметіне кесене тұрғызған болатын. Камераға жарық қырлардағы ойықтардан және күмбездегі төбе саңылауынан түседі. Қабір үсті сақталмаған.  Мазар маңында  тал ағаштар  өсіп тұр, осы  мазарға келушілер ағаштардың сабақтарына  ақ шүбірек байлап кетеді. 

Сопы деген – исламдық мистицизм (жүн сөзінен шыққан, дәруіштер киетін жүн киім,) 7 ғасырда пайда болады.  «Сопылық» сөзінің мағынасын басқаша да түсіндіруге болады, мысалы, сопылық – «суффа» сөзінен – тас суфа – намаз оқитын жоғары орын, «тазалық» сөзінен, гректің «даналық» сөзінен және т.б. шыққан.  Сопылардың пікірінше, Құдай – олардың өмірінің мәні. Құдай мен адамның үздіксіз бірлігі олардың өмірінің негізгі мағынасы болып табылады. Тек осы бірлікте ғана адамның жаратылысы мәнді болады  және бұл бірліктің негізі махаббат болып табылады.

Кесене құрылысы үшін кірпіштерді қолданып оны жылқының, түйенің, ешкінің қылы және өсімдік тамырлары қосып иленген кірпішпен қаланған. Кесененің  сегіз қырлы үлгісін сипаттайтын тікбұрышты түріндегі пирамида тәрізді жабылған, батысқа қарай орналасқан.

Қолшатыр тәрізді күмбездің жайылған бөліктері сегізқырлы негіздің үстінде төбе бөлігінде жоғары көтерілген сфералық-конустық күмбезшелермен жалғанған. Кесене камерасының сегізқырлы күмбезасты көлемінің ішіне үшқалақты арка түріндегі үстіңгі жабыны бар тар дәліз апарады.

Аңыз- әңгіме: халық аузынан.

Пайдаланылған әдебиет тізімі: Ақмола облысының тарихи және мәдениет ескерткіштерін зерттеу құжаттары «Қазқайта қалпына келтіру» РМК ҒЗЖФ жиынтық бөлімі зерттеді 2006 ж. Ғ.М. Қамалов.